GILKITXAROREN BIOGRAFIA
GILKITXARO
ANTZERKI TALDEA eskola antzerkian du oinarria. Eskolatik irten eta taldeak Deustuko
Gazte Lokalean jarraitzeko aukera du. Horrela, antzerkia sortu eta egitearen
grina asetzeko aukera dauka lagun talde honek.
1993an taularatu
zuen bere lehenengo antzezlana BESTE MUNDUKO izenekoa. Taldea martxan
jartzeko balio izan zuen obra honek. Antzerkiarekin jolasten hasi zen orduan
taldea. Bizkaiko leku gutxi batzutan eskaini zuen emankizunak.
1996ko
otsailaren 29an IN PORTIS INFERNORUM estreinatu
zuen Deustuko Gazte Lokalean. Bertan gauzatu ziren antzezlanetarako prestaketa
lanak eta entseiuak. Antzezlan honekin GILKITXARO talde bezala osatzen eta
sendotzen joan zen. Euskararekiko konpromisoa egin zuen taldeak, eta,ordutik
aurrera lana INFERNUKO ATARIAN izena eskuratu zuen. Euskal Herrian
emankizunak euskaraz soilik egitea erabaki zuen. Ehun ekitaldi inguru eman
zituen taldeak 1999ko ekainera arte Hego Euskal Herrian antzezlan honekin.
Kultur etxeak, tabernak, gaztetxeak eta Korrika Kulturala bezalako
jaialdietan antzeztu zen obra hau.
Urte hauetan
taldearen dinamika oso bizia izan zen. INFERNUKO ATARIAN obrarekin
batera, AKI NO PASA NADA, dispertsioaren aurkako antzezlana eraman zuen
hamaika herritako plaza eta jaietara.
Nahitaezko
etenaldi luzeegi baten ondoren GILKITXARO lanean hasi da berriz ere. Aldaketa
batzuk jasan ditu taldeak. Horien artean, leku aldaketa eta aktore talde
handitzea. Deustuko Erriberan dagoen Blokin etxe okupatuan egiten ditu orain
entseiuak taldeak.
Beste euskal
antzerki taldeekin harremanetan jarri da Euskal Antzerki Talde Amateurren
Elkarteak (EATAE) Elgoibarren ospatutako topaketetan. 2000 urte bukaeran TROKAOLATARRAK
antzezlana prestatzen hasi zen. 2001eko maiatzean estreinatu zuten lana eta
urte betez 20 emanaldi eskaini zuten lan honekin.
2003ko
martxoaren 13an Gilkitxarok ELEVATOR lana estreinatu zuen Deustuko Gazte
Lokalean. Taldearentzat aro berri bat hasi da, hiru pertsonaietako antzezlan
honekin. Dena dela, taldeak bide berrien jarraipenean lan berri bat prestatzen
ari da. Aldi berean, taldekideen artean
antzerkiaren pedagogia, sorkuntza eta esperimentazioari ekiten diote.
2004ko hasieran taldeak norabide berria hartu nahi du. Gilkitxarok taldearentzat berriak diren antzerki elementuak biltzeari ekin dio. Dramaren arlo estetikoa eta talde irudia nagusi dira egiten diren esperimentazio lanetan. Horrela, inprobisazioetatik abiatuta antzezlan berria prestatzeari ekin zion taldeak Intxixu Ikastolak San Inazioko auzoan utzitako lokalean.
Baina, azkenean, taldeak
aurreko norabidea hartu zuen eta Otxarkoaga auzora doa 2006an.
2007ko martxoaren 13an, asteartean, “Honolulu, leku bat” lanaren estreinaldia Korrika Kulturalarekin Bilboko Kafe Antzokian.
Urteek aurrera eta beste zenbait gauzek atzera egin arren, Gilkitxarok gaur egun ere taldea sortu zen momentuko asmo, helburu eta amets berbera dauka: bihotzak eta gogoak eskatzen digun antzerkia egin eta erakutsiaz gozatzea, plazerra sentitzea, bizitzea...
